Жаңбыр жауып, күн салқындайды: Алматыда алдағы бір аптада ауа райы қандай болады

Алматыда алдағы тәулікте найзағайлы жаңбыр басталады. Соған байланысты келесі аптада қалада ауа температурасы төмендейді. "Қазгидромет" РМК Алматы және Алматы облысы бойынша филиалының жетекші инженер-синоптигі Дәулет Кісебаев Zakon.kz-ке 7 күнге арналған ауа райы болжамын ұсынды.

Оның айтуынша, 2025 жылғы 2-8 тамыз аралығында мегаполистегі аптап ыстық уақытша шегінеді. Тамыз айының алғашқы аптасының басында ауа температурасы +31°С-тан аспайды. Тек келесі жұма күні ғана ауа +34°С-қа дейін ыстық болады.

"Алдағы күндері Қазақстан аумағындағы ауа райына солтүстік антициклон ықпал етеді. Елдің басым бөлігінде жаңбыр, найзағай, бұршақ және дауылды жел күтіледі. Солтүстік, шығыс, орталық өңірлер мен оңтүстік-шығыстағы таулы аймақтарда – нөсер жаңбыр жаууы мүмкін. Тек елдің батысында жауын-шашынсыз ыстық ауа райы сақталады", - деп хабарлаған еді "Қазгидромет" мамандары.

Алматы бойынша 2–8 тамыз аралығындағы ауа райы болжамы:

2 тамыз: ауыспалы бұлтты, өткінші жаңбыр, найзағай. Батыстан, солтүстік-батыстан 3-8 м/с жылдамдықпен соққан жел, кей кездері екпіні 18 м/с-қа дейін жетеді. Түнде +17…+19°С, күндіз +29…+31°С.

3 тамыз: ауыспалы бұлтты, күндіз өткінші жаңбыр, найзағай. Оңтүстік-батыстан 3–8 м/с жел, екпіні 18 м/с. Түнде +17…+19°С, күндіз +28…+30°С.

4 тамыз: ауыспалы бұлтты, жаңбыр, найзағай, күндіз кей жерлерде қатты жаңбыр, бұршақ, дауылды жел. Солтүстік-батыстан 3–8 м/с жел, кей кездері екпіні 18-23 м/с. Түнде +17…+19°С, күндіз +26…+28°С.

5 тамыз: ауыспалы бұлтты, өткінші жаңбыр, найзағай. Солтүстік-батыстан басталып, солтүстік-шығысқа ауысатын жел 3-8 м/с, екпіні 18 м/с. Түнде +16…+18°С, күндіз +26…+28°С.

6 тамыз: ауыспалы бұлтты, жауын-шашынсыз. Солтүстік-шығыстан 3-8 м/с жел. Түнде +17…+19°С, күндіз +28…+30°С.

7-8 тамыз: ауыспалы бұлтты, жауын-шашынсыз. Солтүстік-шығыстан 3-8 м/с жел. Түнде +18…+20°С, күндіз +32…+34°С.