Астанада сол жағалаудағы маңызды қиылыс бір тәулікке жабылады

Астанада Дінмұхамед Қонаев пен Түркістан көшелерінің қиылысында жол жөндеу жұмыстары жүргізіледі, деп хабарлайды Zakon.kz.

2025 жылғы 1 тамызда қаланың Көлік және жол-көлік инфрақұрылымын дамыту басқармасы хабарлағандай, 2-3 тамыз аралығында аталған аумақта жолдың жоғарғы қабаты төселеді.

Осы кезеңде автокөлік қозғалысы ішінара шектеледі. Қозғалыс екі бағытта кезектесіп, жолдың бір жағы арқылы ұйымдастырылады. Аумағына уақытша жол белгілері мен бағыттаушы көрсеткіштер орнатылады.

Қала тұрғындарынан бағыттарын алдын ала жоспарлап, қозғалыс тәртібіндегі өзгерістерді ескеруді сұрайды. Билік өкілдері жүргізушілер мен жаяу жүргіншілерді уақытша қолайсыздықтарға түсіністікпен қарауға үндеді.