2026 жылғы Қаңтар ҰБТ-сы: талапкерлерге маңызды ақпарат айтылды

ҚР Ғылым және жоғары білім министрілігінің Ұлттық тестілеу орталығы 2026 жылғы 9 қаңтарда қысқы ҰБТ-ға кіретін талапкерлер үшін маңызды ақпарат таратты, деп хабарлайды Zakon.kz.

Ведомство тестілеуге кірердегі ережелермен таныстырып өтті.

"ҰБТ-ға кірерде металл іздегішпен тексеру жүргізіледі",- деп ескертті.

Тестілеуге келесілерді алып кіруге тыйым салынады:

• фотоаппарат, пейджер, ұялы телефондар,
• планшеттер, рациялар, ноутбуктер, плейерлер, модемдер,
• смарт сағаттар, смарт көзілдірік, фитнес білезіктер (трекерлер),
• диктофон, сымды және сымсыз құлаққаптар, микроқұлаққаптар, сымсыз бейнекамераларды, навигаторларды, трекерлерді, қашықтан басқару құрылғыларын,
• шпаргалкалар, оқу-әдістемелік әдебиеттер, периодтық кесте және тұздардың ерігіштігі кестесі, калькулятор, А0-А10 форматтағы қағаздар.

"Оларды тестілеуге кірер алдында сақтау жәшіктерінде қалдырып кетуді сұраймыз. Тестілеуге кірерде тыйым салынған заттар анықталған жағдайда тестіленуші ҰБТ-ға жіберілмейді". ҚР Ұлттық тестілеу орталығы

Тестілеуге бірге алып кіруге рұқсат етіледі:

• жеке куәлік (16 жасқа толмаған болсаңыз, туу туралы куәлік және фотосы жапсырылған мектептен анықтама),
• қалам,
• су,
• шоколад.

Посмотреть эту публикацию в Instagram

Публикация от Ұлттық тестілеу орталығы (@testcenterkz)

Бұған дейін ҰБТ-2026 байқау сынағына қатысушыларға дресс-кодқа қатысты мәлімет ұсынылғанын жазғанбыз.