Миллиондаған оқырманы бар қазақстандық танымал блогерге іздеу салынды

Қазақстандық блогер Қайсар Қамзаға ел аумағында іздеу салынды, деп хабарлайды Zakon.kz.

Құқықтық статистика порталының дерегіне сәйкес, іздеуді Қазақстан Республикасы Қаржылық мониторинг агенттігі бастаған. Іздеу ісі Астанада тіркелген.

Сурет: скрин

Айта кетейік, Қамза әлеуметтік желілерде "қора-пати" деп аталатын трэш-кештерімен, сондай-ақ шетелде түсірілген бейнероликтерімен танымал.

Instagram желісінде блогердің 2,4 миллион оқырманы бар. Сонымен қатар ол парақшасында жазылушылар арасында түрлі ұтыс ойынын өткізіп, онлайн-казино жарнамасын орналастырған.