Тоқаев Исламабадтағы лаңкестік актіні қатаң айыптады

Мемлекет басшысы Қасым-Жомарт Тоқаев Пәкістанның президенті мен премьер-министріне көңіл айту жеделхатын жолдады, деп хабарлайды Zakon.kz.

Ақорданың хабарлауынша, Қасым-Жомарт Тоқаев Исламабадтағы лаңкестік актінің салдарынан көптеген адамның қаза табуына байланысты президент Асиф Али Зардари мен премьер-министр Шахбаз Шарифке көңіл айтты.

Қазақстан Президенті қастандық әрекетті қатаң айыптады.

"Сонымен қатар құрбан болған азаматтар мен жарақат алған адамдардың туған-туыстарын сабырға шақырып, Пәкістан халқының қайғысына ортақ екенін жеткізді", - делінген хабарламада.

Еске салайық, бүгін, 2026 жылғы 6 ақпанда, Исламабадтың орталығындағы мешітте жойқын жарылыс болып, 30-дан астам адам мерт болды.