Жамбыл облысында екі тепловоз соқтығысты

Жамбыл облысының Жаңатас станциясында екі тепловоз соқтығысты. Оқиға 2026 жылғы 5 наурызда болды, деп хабарлайды Zakon.kz.

"Қазақстан темір жолы" ҰК" АҚ баспасөз қызметінің мәліметінше, 2026 жылғы 5 наурызда Жамбыл облысындағы Жаңатас станциясында маневрлік жұмыстар кезінде оқиға болды.

"Жаңатас Су-Жылу" КМК кірме жолына мазут тиелген бес вагонды беру барысында Жамбыл локомотив депосының машинисі "КАП Логистик" ЖШС-нің жеке кірме жолындағы локомотивін іліп кеткен. Құрбан болғандар жоқ.

"Оқиғаның себептері анықталып жатыр. Жағдайдың мән-жайын анықтау үшін оқиға орнына арнайы комиссия жіберілді", – деп хабарлады "Қазақстан темір жолы" ҰК" АҚ.