Ринат Зайытов Ninety one тобы үшін қонаққа барудан қалған

stan.kz

Ринат Зайытов өмірінде ұтып алған ең ерекше жүлдесі туралы айтты.

Ninety one тобын сын астына алған Ринат Зайытов бүгінде достарының үйіне барудан қалған. Ақынды аралас-құралас жолдастардың балалары жақтырмайтын көрінеді. Бұл туралы Stan.kz ақпараттық агенттігі “Түнгі студия” бағдарламасында сілтеме жасап хабарлайды.

“Қазір жұртқа сын айтуды қойдым. Себебі жек көретін адам көбейіп кетті. Жолдас балалардың үйіне қонаққа барудан қалдық. Бала-шағасы жек көреді. Бұл “Ninety one-ды ұнатпайды, үйге жолатпайық”, дейді”, – деп күлді Зайытов.

Бұдан бөлек, көптен бері көрінбей кеткен ақын шығармашылықта қандай жаңалықтары бар екенін айтты.

“Айтыстағы жігіттер ақылдасып, шынайы, бұрынғы заманның ақындарындай тура сол айтыс күні, ешкім ешкіммен келіспей, таза айтысып көрейік деп 2-3 айтыс өткіздік, менің шығармашылық жолымдағы ең әдемі айтыстар сол болды”, – деп әңгімеледі айтыскер.

Сондай-ақ, Ринат Зайытов өмірінде ұтып алған ең ерекше жүлдесі туралы айтты.

“2001 жылы Астанада “Тазша бала” деген байқауға келгенбіз. Сонда Тұрсынбек бас жүлде, мен бірінші орын алдым. Тұрсынбекке ас үй жиһазын берді, маған ыдыс-аяқ берді. Әлі күнге дейін түсінбеймін. Не үшін? Екеуміз де ол кезде үйленбегенбіз. Станиславский “өнер киім ілгіштен басталады” дейді. Бізде Қазақстанда өнер ас үйден басталатын шығар деп ойладым”, – дейді Зайытов өткен күндерін еске алып.

Оқи отырыңыз