Нұр-Сұлтанда субұрқақта Димаштың орындауындағы әндер де ойналатын болады

Әнсүйер қауымға да жақсы жаңалығымыз бар. Мұнда қойылатын әндердің де біразын ауыстырдық.

Нұр-Сұлтанда музыка әуенімен атқылайтын Нұржол субұрқағы 15 шілдеге дейін істемейді, деп хабарлайды zakon.kz.

Мұнда жүргізілген жөндеу жұмыстарынан кейін субұрқақта қойылатын әндер ішінде Димаш Құдайберген орындаған әндер де ойналатын болады. Бұл туралы Есіл ауданының әкімі Берік Жәкенов Facebook парақшасында жазды.

"Жөндеу жұмыстарын жүргізіп жатырмыз, субұрқақтың 300 шамын ауыстырамыз. Әнсүйер қауымға да жақсы жаңалығымыз бар. Мұнда қойылатын әндердің де біразын ауыстырдық. Жақында Көзімнің қарасы, Дудар-ай және Батырхан Шүкенов пен Димаш Құдайбергеновтің әндері мен классикалық композицияларын естиміз", деп жазды ол.