Мысырда 100-ге жуық саркофаг пен алтын жалатылған мүсіндер табылды
euronews
Мысырлық археологтар жүзден астам саркофаг, жерлеуге арналған керек-жарақтар, екі жарым мың жыл бұрынғы ондаған мүсіндерді тапты, деп хабарлайды zakon.kz РИА Новостиге сілтеме жасап.
Ғалымдар шамамен 12 метр тереңдіктегі үш обаны тапты. Жәдігерлер керемет сақталған болып шықты.
Көптеген саркофагтардан мумия (қатырылған мәйіт)табылды, бірақ бәрінен бірдей емес. Ғалымдар сол аймақтың бір жерінде ағаштан саркофагтар жасайтын үлкен шеберхана болған деп болжайды. Егер оны тапса, бұл мысыртану тарихындағы ең ірі және құнды олжалардың бірі болуы мүмкін.
Сарапшылар көптеген айлар бойы Пирамидалардан оңтүстікке қарай 16 шақырым жерде орналасқан Саккараның алып некрополисінде қазба жұмыстарын жүргізді. Осы маңда Мысыр өркениетінің гүлдену кезеңінде Ежелгі Египеттің астанасы болған Мемфис орналасқан. Ғалымдардың айтуынша, Саққарада жасырулы жатуы мүмкін жәдігерлердің осы уақытқа дейін тек бір пайызға жуығы ғана табылған.
