Алматыда "Шұғыла" кинотеатры жөнделіп, қайта жұмысқа кіріспек
radikal.ru
Кинотеатр ғимаратын 2019 жылы жеке инвестор сатып алды, енді ол кинотеатрдан бөлек, мүнда мұражай мен балаларға арнап балмұздақ-кафесін ашуды жоспарлап отыр, деп хабарлайды zakon.kz inAlmaty.kz сайтына сілтеме жасап.
Алматы қаласы Қоғамдық кеңесінің отырысында Түрксіб ауданы әкімдігінің өкілдері кеңестік заманнан танымал "Шұғыла" балалар кинотеатрының болашағы туралы мәселе көтерді. Әкімдік өкілдерінің айтуынша, кинотеатр ғимараты жеке қолда және 2001 жылдан бастап бес иесін ауыстырған.
2000 жылдардың басына дейін кинотеатр Otau Cinema желісінің бөлігі болды. Содан кейін ол иесіз қалды, бірақ 2019 жылы ғимараттың жаңа қожайыны пайда болды. Бұл өте күрделі компания және олар қазір ғимаратты қайта жөндеп, жаңғыртуға техникалық шарттарға құжаттар тапсырды. Олар сол жерде ретро-көліктердің үлкен мұражайын ашуды, сонымен қатар кинотеатрдың өзін сақтап, балаларға арнап балмұздақ салонын ашуды жоспарлап отыр, - деді Түріксіб ауданы әкімдігінің қызметкері.
Ғимарат иесінің өзі осы кинотеатрдың жанында өсіп, балалық кезінде ондағы балмұздақ кафесіне барған. Ол оны сол кездегі қалпына келтіргісі келеді және жалпы алғанда, бәрін ретро стильде, ретро көліктермен безендіреді, бірақ сонымен бірге заманауи кинотеатрмен жабдықтайды.
Әкімдік өкілінің айтуынша, ғимараттың сыртындағы алукобонд алынып, барельефті кеңестік қасбет қалпына келтіріледі.
