Әлемнің 12 елінде тұратын қазақтарға қазақ тілі сабағы ұйымдастырылды

2021 жылы Ақпарат және қоғамдық даму, Сыртқы істер министрліктерінің қолдауымен «Отандастар қоры» әлемнің 12 елінде қазақ тілін оқыту бойынша 31 онлайн-сынып ашты, деп хабарлайды Zakon.kz

Түркия, Ресей, АҚШ, Ұлыбритания, Бельгия, Германия, Франция, Иран, Қырғызстан, Украина, Моңғолия және Беларусьтегі қазақ диаспораларының 1 391 өкіліне 780 онлайн сабақ өткізілген. Олардың 336 қатысушысы арнайы сертификат алды. Сонымен бірге қазақ тілін өз бетінше үйрену мүмкіндіктерін жасау мақсатында 30 онлайн-сабақ «YouTube»-ке шығарылды.

Осы жылдың тамыз және желтоқсан айларында өткен сабақтар speaking club (сөйлесу клубы) форматында ұйымдастырылды.