«Ақын» фильмі Berlinale Forum халықаралық кинофестивалінде жүлде алды
Сурет: Facebook/Kazakhfilmstudios.kz
Шәкен Айманов атындағы «Қазақфильм» АҚ түсірген «Ақын» фильмі технологиялар дамыған қазіргі заманда өнердің қоғамда алатын орны туралы ой қозғап, поэзияға сұраныс азайған дәуірде ақынның күйініші туралы сыр шертеді. Бұл туралы «Қазақфильм» хабарлады.
Қазақ халқының XIX ғасырдағы ең көрнекті ақындарының бірі Махамбет Өтемісұлының қилы тағдыры жайында ойға батқан басты кейіпкер нәзік жүректі ақындардың өмірі қашан да қиын болғанын түсінеді.
Дәрежан Өмірбаев әр уақытта Канн кинофестивалінен екі рет жүлде алған. Өкінішке қарай, режиссердің өзі Берлин халықаралық кинофестивалі Berlinale Forum/Forum аясындағы фильмнің еуропалық премьерасына қатыса алмады», - делінген хабарламада.
Осы себепті фильмді көптің назарына актриса Гүлжан Түзелбаева мен продюсер Юлия Ким ұсынды.
Фильм сценарийі жазушы Герман Гессенің «Авторлық кеш» повесі негізінде жазылған. Фильмдегі басты рөлді «Жігіттер» тобының солисі Ердос Қанаев ойнады.
Айта кетейік, 2021 жылы «Ақын» фильмі Tokyo International Film Festival кинофестивалінде «Үздік режиссура» аталымын жеңіп алған еді.
