Жанар Айжанова Пусандағы кинофестивальда қызыл кілеммен жүріп өтті
Сурет: Facebook/Salem social media
Жанар Айжанова Пусандағы 27-ші кинофестивальде үздік актрисалар бестігіне енді. Тағы бір қазақстандық - Дарина Манапова басқа режиссерлермен бірге Кореяда жаңа фильм түсіруде.
5-14 қазан аралығында Кореяның Пусан қаласы Азия киносының астанасы рөлін атқарады. Мұнда әлемнің түкпір-түкпірінен ең мықты актерлер мен режиссерлер бас қосуда. Биыл халықаралық кинофестивальде 71 елдің 242 фильмі көрсетіледі.
Пусан халықаралық кинофестивалі соңғы үш жылда алғаш рет офлайн режимде өтті. Көрермендерге залдан орын алуға рұқсат етілді. Бірақ бетперде тағу міндеттелді. Кореяда бір минут ішінде коронавирус инфекциясын жұқтырудың 20 мыңға жуық жағдайы анықталды, деп хабарлайды "Хабар-24".
Қызыл кілеммен Жанар Айжанова өмірінде алғаш рет жүріп өтті. Танымал әнші халықаралық кинофестивальге Азиядағы ең үздік киноактрисалардың бірі ретінде шақырылды. Оның "Аппаө келін" сериялындағы актерлік шеберлігі қазылар алқасына ұнаған. Басқа 4 үміткермен бірге Жанар "Үздік әйел рөлі" номинациясында бақ сынады. Сыйлық 30 жастағы корей киносының жұлдызы Пак Юн Бинге - "Ерекше адвокат"драмасындағы рөлі үшін берілді. Бірақ мұндай беделді кинофестивальге қатысудың өзі жеңіс деп есептейді Жанар Айжанова.
Менің кинода жүргеніме аз уақыт болды, ары кетсе 10 жыл. мен кинода азмын, тіпті 10 жыл өтпедім. Соңғы 6-7 жыл ішінде мені байқап, ең жақсы актрисалардың қатарына қосу дегенді мен өңім түгілі түсімде армандағанмын. Менің жетістігімді қайталап, тіпті асып түсіп, жастарымыз фестивальдарда жүлделі орындарға ие болғанын қалаймын. Әнші, актриса Жанар Айжанова
Жанар актерлік мансабын жалғастыруға ниетті, бірақ ән әлемінен алшақтап кете алмайды. Әнші Алматыдағы халық музыкалық аспаптар мұражайында жұмыс істейтін болады.
Мен мұражай елшісі болып жұмыс істеймін. Әр жексенбі адамдарды, әсіресе жастарды тарту үшін домбырада ойнаймын, - дейді ол.
Режиссер Дарина Манапова да кинофестивальге қатысып жатыр. Мұнда оның қатысуымен түсірілген фильмі көрсетіледі. Даринаның картиналары көпке танымал болып үлгергенімен, Пусан киноакадемиясындағы тәжірибе ол үшін жаңа жетістіктерге апаратын жол.
