Танымал боксшының желідегі жазбасына Сәкен Майғазиев пікір қалдырды

Әлеуметтік желі, сурет - Zakon.kz жаңалық 28.12.2022 01:55

Сурет: Instagram/saken_maigaziyev

Танымал әнші Сәкен Майғазиев кәсіби бокста екінші орташа салмақта бағын сынап жүрген отандасымыз Айдос Ербосынұлын қолдап-қолпаштап, желіде пікір қалдырды, деп хабарлайды Zakon.kz.

Кәсіби мансабындағы алғашқы жеңілісі туралы егжей-тегжейлі тоқталған Ербосынұлының Instagram-дағы соңғы жазбасына әнші пікір қалдырды.

"Оңай спорт емес, Айдосжан! Өмірдің өзі жеңіс пен жеңілістен тұрады. "Жағың сынса да сағың сынбасын" деп Айдос Ербосынұлы айтқандай, рухын биік болсын. Жасай бер", делінген әншінің жазба астына қалдырған пікірінде.

Айта кетсек, 6 қарашада Миннеаполистегі шаршы алаңда Айдос WBA Regular бойынша әлем чемпионы, кубалық Дэвид Моррельден мерзімінен бұрын жеңіліске ұшырады. Миына қан кетуіне байланысты ол дереу ауруханаға жеткізілді. Отандасамызға ота жасалып, біршама уақыт жасанды комада болды. Кейіннен спортшымыз оңалып, Қазақстанға оралды.

Оқи отырыңыз