Жүрсін Ерман: Қаңтар оқиғасы болғанда мен Жезқазғанда жаттым...
Сурет: Instagram/zhursin_erman
Қатты ауырып, Швецарияда емделіп келген ұлттық өнер - айтысты ұйымдастырушы, ақын Жүрсін Ерман жақында "өз жұмысына" оралатынын айтты, деп хабарлайды Zakon.kz.
Бұл туралы айтыстың абызы Жүрсін Ерман "Айқын" газетіне берген сұқбатында айтты.
"Мен әлеуметтік желідегі жаңалықтарды жібермей оқимын. Инстаграм, фейсбук, телеграмм арналарды қараймын. Қаңтар оқиғасы болғанда мен Жезқазғанда жаттым. Сонда мені "Аманат" партиясы іздеп барып, халыққа үндеу жазып алды. Сол кезде мен: "Қазақстан ұлы өзгерістердің алдында тұр" деп сөйледім. Мемлекет басшысы Қасым-Жомарт Тоқаевқа сеніп, айналасына топтасуымыз керек екенін айттым. Сол пікіріме бүгінде көзім жетті", - дейді ақын.
Ол қазіргі Қазақстан – өзгерген Қазақстан екендігіне сенімді.
"Саяси реформалар, демократиялық жаңғырулар жолында жасалып жатқан қадамдарды халық енді-енді түсініп келе жатыр. Үлкен өзгерістердің алдында тұрмыз. Жемқорлықпен күрес жолындағы атқарылып жатқан істер де көңілімнен шығады. Жақында Парламент сайлауы өтті. Билікке жаңа адамдар келді. Басқасын айтпағанда, айтыс ордасынан шыққан екі ақын - Аманжол Әлтаев пен Ринат Зайытов та Мәжіліске барды. Пікірлерін ашық айтып жүр. Өзгеріс деген осы емес пе? Бәрі бір күнде орындалмайды. Шыдам мен төзім керек", - дейді Жүрсін Ерман.
Айта кетсек, ақын Жүрсін Ерманның Женева қаласындағы ауруханада емделіп жатқанын алдында хабарлаған болатынбыз.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
