Күш атасы - Қажымұқан туралы фильм көрермендерге жол тартады
Сурет: ҚР Мәдениет және ақпарат министрлігінің баспасөз қызметі
10 қазаннан бастап еліміздің барлық кинотеатрларында "Qajymuqan" фильмі көрсетіле бастайды, деп хабарлайды Zakon.kz.
ҚР Мәдениет және ақпарат министрлігі баспасөз қызметінің мәліметінше, фильм режиссері Қанағат Мұстафин тарихи фильм сценарийіне 2012 жылы кірісіп, тақырыпты 10 жылдан астам уақыт зерттеген.
"Қажымұқан Мұңайтпасов – бүкіл әлем мойындаған қазақтың даңқты балуаны, күрестен әлем чемпионы атағын алған тұңғыш қазақ. Режиссердің айтуынша, Қажымұқан өзінің мықтылығын өз заманының ең жақсы балуандарын жеңіп дәлелдеген. Ол – Парижде, Лондонда, Берлинде, Стамбулда, Буэнос-Айресте және Чикагода қошеметке бөленген алғашқы қазақ спортшысы. Түсірілімі 2020 жылы басталған фильм алдағы айда көрерменге жол тартады", делінген хабарламада.
Туынды ҚР Мәдениет және ақпарат министрлігінің, Ұлттық киноны қолдау мемлекеттік орталығының қолдауымен түсірілген.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
