Димаш Құдайберген Елисей сарайындағы кешкі асқа қатысты
Сурет: akorda.kz
2024 жылдың 5 қарашасында Елисей сарайында Франция президенті Эммануэль Макрон мемлекеттік қабылдау өткізді. Шақырылған қонақтардың бірі Қазақстанның Халық әртісі Димаш Құдайберген, деп хабарлайды Zakon.kz.
30 жастағы әнші салтанатты кеште француз тіліндегі репертуарынан "SOS d’un terrien en détresse" композициясын, сондай-ақ "Дайдидау" халық әнін орындады.
Кештің бейнелерімен Қазақстан Президентінің кеңесші – баспасөз хатшысы Берік Уәли бөлісті.
Сонымен қатар, Францияның бұрынғы бірінші ханымы Карл Бруни өз әсерімен бөлісіп, Құдайбергенге алғысын білдірді.
"Мен талантты әнші Димаш Құдайбергеннің әнін жанды дауыста тыңдауға мүмкіндік алғаныма сондай бақыттымын. Сіздің бар болғаныңыз үшін алғыс білдіремін. Сіздің даусыңыз үшін, қарапайымдылығыңыз бен мейрімділігіңіз үшін рахмет!",- деп жазды ол.
Іс-шарадан кейін Димаштың өзі француз халқына қонақжайлылығы үшін алғыс айтты.
Бұған дейін Парижде Бердібек Соқпақбаевтың 100 жылдығына арналған конференция өткендігі хабарланған болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
