Әйгілі пианист Ақорданың әсем бағында Қазақстанның әнұранын орындады

Президент телерадиокешені Ақордада Қазақстан әнұранының орындалған сәті түсірілген ерекше видеоны жариялады, деп хабарлайды Zakon.kz.

Бұл видео Jibek Joly телеарнасының хабарының жаңажылдық бөлімін ашты.

Ratovich деген атпен танымал пианист Темірлан Бейсенбай жаңажылдық нақышта безендірілген көрінісінің аясында, Президент резиденциясының әсем бағында әнұранды пианинода орындады.

Ал Ақорданың орталық салтанатты сарайында Динара Тілендиеваның басқаруындағы "Отырар сазы" оркестрі мен "Астана опера" симфониялық оркестрі әнұранды домбыраның сүйемелдеуімен орындады.