Димаш Құдайберген Нью-Йоркке келді: әлемге танымал қазақстандықты жанкүйерлері қалай қарсы алды

Қазақстанның және Қырғызстанның халық әртісі Димаш Құдайберген өзінің жеке концертін беру үшін Нью-Йоркке келді. Әртіс жанкүйерлері өзін әуежайдан қалай күтіп алғандығы жөнінде желідегі парақшасында бөлісті, деп хабарлайды Zakon.kz.

Әншінің баспасөз қызметі 1 қазан күні Нью-Йорктегі Кеннеди халықаралық әуежайында сәнді ұлттық стильдегі киімдер киіп, қолдарына жалаушалар, бейдждер мен баннерлер ұстаған Димаштың жанкүйерлері сүйікті әртістерін әуежайда үлкен ықыласпен қарсы алғанын жазды.

Посмотреть эту публикацию в Instagram

Публикация от DimashNews (@dimash.news)

Кездесуді тағатсыздана күткен Dears қауымы Димаштың әндерін қосыла шырқап, биылғы жаздың хиті — "Тау ішінде" әнін хормен орындап, болашақ концерттердің қызықты сәттерін асыға сөз етті.

Әртіс жанкүйерлермен емен-жарқын тілдесіп, қолтаңба беріп, бірге естелік суреттерге түсіп, олармен бірге атақты "Besame Mucho" әнін шырқады.

"Димаштың көптен күткен "Stranger" атты жеке концерті Нью-Йорктің аңызға айналған сахнасы — Madison Square Garden-де 5 қазан күні өтеді",- деп нақтылады олар.

Бұған дейін Backstreet Boys тобы Қазақстанды сағынышпен еске алуда екенін жазғанбыз.