Науқас ауруханада қайтыс болды: туыстары бейне жазбаларды алуға құқылы

Науқас ауруханада қайтыс болған жағдайда, туыстары бейнежазбаны алуға құқылы. Бұл туралы Қазақстан Республикасы Денсаулық сақтау министрінің 2022 жылғы 24 қаңтардағы бұйрығында айтылған, деп хабарлайды Zakon.kz

Мұндай түзету "Пациенттер мен медицина қызметкерлерінің құқықтарын қорғауды қамтамасыз ету мақсатында медициналық ұйымдарда қолданылатын техникалық бақылау құралдарын, байқау және тіркеу аспаптарын, фото-, бейнеаппаратураларды қолдану қағидаларының" 3-тармағында қарастырылған:

Науқас қайтыс болған жағдайда, техникалық құралдар арқылы жасалған жазбалар өтініш негізінде балаларына және жұбайына беріледі.

Бұйрық 2022 жылдың 11 ақпанынан бастап күшіне енеді.