Алматы іргесіндегі аурухана палатасында тарақан қаптап кеткен

Барлық жерде тарақан жүр. Адамдар шағымданып жүр, өзім де осы тарақан кесірінен ұйықтай алмаймын. Бұл – Halyk arena-ға қарама-қарсы орналасқан Алматының облыстық ауруханасы. Жағдай тек тарақанға тіреліп тұрған жоқ. Сұрайын дегенім, емделушілер қашаннан бері тегін ауруханаларда тамаққа ақша төлейтін болған? Таңғы ас, түскі және кешкі ас әрқайсысы 500 теңгеден тұрады, – делінген видеодағы жазбада.

Алматы көпсалалы клиникалық ауруханасы түсініктеме берді. Дәрігерлердің айтуынша, видео авторы 19 шілдеден 20 шілдеге қараған түні күндізгі стационарға емделуге түскен.

19 шілдеден бастап қолданыстағы нормативтік-құқықтық базаға сай кесте бойынша ай сайын жоспарлы дезинсекциялау жүргізіледі. Келісімшарт бойынша дезинсекцияны Денсаулық сақтау министрлігінің Ұлттық сараптама орталығының (Алматы) филиалы жүргізеді, – делінген түсініктемеде.

Сонымен қатар мекеме тамақ бағасы туралы да түсініктеме берді.

Күндізгі стационардағы науқастарды тамақтандыру Денсаулық сақтау министрлігінің 2015 жылғы 17 тамыздағы №669 «Стационарлық көмек көрсету қағидатын бекіту туралы» бұйрығына сай жүзеге асырылмайды, – делінген хабарламада.

Оқи отырыңыз

Қазақстан оқушылары есту қабілеті нашар адамдарға көмектесетін қолданба әзірледі

11:56, 27 наурыз 2023

Елімізде коронавирус бойынша бір тәулікте 32 жағдай тіркелді

09:51, 27 наурыз 2023

Енді трамадол есірткі деп есептеледі және еркін сатылмайды

11:42, 25 наурыз 2023