АҚШ-та маймыл шешегіне байланысты төтенше жағдай енгізу мүмкіндігі қаралып жатыр

АҚШ, маймыл шешегі, сурет - Zakon.kz жаңалық 26.07.2022 09:54

Сурет: pixabay

Төтенше жағдай жариялау АҚШ әкімшілігіне маймыл шешегі мен вакцинация туралы мәліметтер жинауға өкілеттік береді. Қазір федералды үкіметке мұндай деректер берілмей отыр, деп хабарлайды Zakon.kz.

Джо Байден әкімшілігі маймыл шешегі індетінің өршуіне байланысты Құрама Штаттарда төтенше жағдай жариялау мүмкіндігін зерттеп жатыр. Бұған қоса ел билігі вирустың таралуына қарсы әрекет ету үшін үйлестіруші тағайындауды жоспарлап отыр, деп жазды The Washington Post.

Мамыр айынан бастап Африкадан тыс жерде 17,000-ға жуық жағдай, оның ішінде 2,900-ге жуық жағдай АҚШ-та расталды.

Жаңа індеттер гейлер мен бисексуалдар арасында басым болғанымен, сарапшылар вирус басқа топтарға таралуы мүмкін екенін ескертеді.

АҚШ-та балалар арасындағы маймыл шешегінің алғашқы екі жағдайы 22 шілдеде расталды, індетті балалар науқас адамдардан жұқтырған болуы мүмкін.

Ел билігі төтенше жағдай жариялау туралы шешімді осы аптада қабылдауы мүмкін.

Оқи отырыңыз