Маусымдық аллергиялық аурулармен қалай күресуге болады
Сурет: unsplash
Аллергиялық ринит белгілері мен астманың өршуінің маусымдық белгілері аурудың себебі ретінде саналатын өсімдіктердің гүлдену кезеңімен, тозаңмен сәйкес келеді.
Сәуір-мамыр айының соңында қандыағаш, қайың, терек, емен гүлдейді.
Маусым мен шілде айының ортасына дейін дәнді шөптердің гүлдейді: көгалдар мен шалғынды шөптер, қара бидай, бидай және т. б.
Шілдеден қазан айының басына дейін жусан, амброзия, қалақай және басқа да арамшөптердің гүлдену уақыты.
Сонымен қатар ринит белгілері әртүрлі спецификалық емес факторлардың әсерінен пайда болуы немесе күшеюі мүмкін:
ағзаның бірнеше өсімдіктің тозаңына сезімталдығының жоғарылауы;
ЖРВИ-ге байланысты аурудың өршуі.
Аурудың орташа ауыр болса, әдетте ұйқы бұзылады. Ринит белгілері адамға жұмыста, оқу кезінде немесе спортпен шұғылдану кезінде кедергі келтіреді. Аллергиялық риниттің ауыр ағымында өмір сапасы едәуір нашарлайды, яғни жоғарыда аталған белгілер күнделікті белсенділікке айтарлықтай әсер етеді. Аурудың неғұрлым ауыр түрінде науқасты жөтел, тыныс алудың қиындауы мазалайды.
Аурудың асқыну факторлары:
химиялық заттарды қолдану;
тұқым қуалайтын бейімділік;
темекі шегу;
жүктілік кезінде әйелдің темекі шегуі;
табиғи емес өнімдерді пайдалану;
кәсіби зияндылық - құрылыс шаңы, көліктен шығатын газдар және т. б.
Алдын алу шаралары
Министрлік өкілдері алдын алу шараларын, яғни тозаңның көздің және тыныс жолдарының шырышты қабаттарына енуіне жол бермеу керек екенін атап өтті.
Мұны істеу үшін бөлмеде және автомобильде терезелер мен есіктерді жабық ұстаңыз, ауаны желдету құрылғыларын қолданыңыз, далада көп жүрмеңіз немесе маска мен көзілдірік тағыңыз. Жаяу жүргеннен кейін мұрын мен көздің гигиенасын сақтаған жөн. Мүмкін болса, денеден тозаңды кетіру үшін душ қабылдаңыз. ҚР Денсаулық сақтау министрлігі
Гипоаллергенді диетаны ұстану маңызды, оған цитрус, өрік, шабдалы, киви, ананас, қауын, жаңғақтар, балдыркөк, қызыл бұрыш, кориандр жеуді айтарлықтай шектеу кіреді.
Сондай-ақ ерте сезімталдыққа ықпал ететін фактор ретінде темекі шегуден бас тартуға, дәрілік заттарды дәрігердің ұсынысы бойынша ғана қабылдауға кеңес береміз; тітіркендіргіш заттарды (кір жуғыш ұнтақтар, күшті жуғыш заттар, еріткіштер, бензиндер, желімдер, лактар, бояулар, жиһаз, еден, кілем және т.б. тазалау үшін әртүрлі заттарды) пайдаланбауға кеңес береміз. ҚР Денсаулық сақтау министрлігі
Министрлік өкілдерінің айтуынша, қол терісінің өсімдіктермен, сондай-ақ көкөністер мен жемістердің шырындарымен жанасуын болдырмау керек; жүннен және синтетикалық материалдардан жасалған киім киюге болмайды. Мақта маталарынан жасалған киім киген жөн. Тозаңмен жанасуды күшейтетін фактор ретінде көшеде қарқынды физикалық белсенділіктен аулақ болған жөн.
Емдеу
Дәрі-дәрмек терапиясын жалпы тәжірибелік дәрігер, терапевт немесе педиатр тағайындай алады. Осы аурулардың диагностикасы пациентті одан әрі жүргізу тактикасы туралы мәселені шешу үшін аллергия өршімейтін кезеңде (қараша-ақпан) жүргізіледі.ҚР Денсаулық сақтау министрлігі
Біздің елімізде ГОМБП және МӘМС аясында аллергодиагностиканың барлық түрлері бар. Олар қоздырғыш аллергенді және аллергенге тән иммунотерапияны жүргізу мүмкіндігін анықтау үшін қолданылады. Емдеудің бұл түрі нақты көрсеткіштер мен қарсы көрсеткіштерге ие. Терапияның бұл түрі туралы шешімді аллерголог қабылдайды.
