Өткен тәулікте елімізде 233 адамнан коронавирус инфекциясы анықталды

Денсаулық сақтау министрлігі өткен тәулікте 233 адамнан коронавирус инфекциясы анықталғанын хабарлады. Одан бөлек белгісі білінбейтін КВИ-ға тағы 10 адамның шалдыққанын растады, деп хабарлайды Zakon.kz.

25 желтоқсандағы мәлімет бойынша, 2 668 адам коронавирус инфекциясынан (-2528 + және 140 КВИ-) емделіп жатыр, оның 350-і стационарда, 2 318 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

- 11 адамның жағдайы ауыр,

- 6 науқастың жағдайы өте ауыр,

- 2 науқас ӨЖЖ аппаратында жатыр.

Айта кетсек, 2020 жылдың 13 наурызынан бастап 2022 жылдың 24 желтоқсанына дейін Қазақстанда 1 401 711 адам КВИ-ға шалдыққан, аталған індеттен 13 694 адам көз жұмған.