Сәбиге хиджама жасап жатқан желідегі видеоға қатысты тексерудің қорытындысы жарияланды

Лаура Ахметнияз Атырау облысы прокуратурасының сұрауы бойынша бұл факті тексерілгенін нақтылады.

"Тексеру іс-шараларының қорытындысына сәйкес, бұл арада заңсыз медициналық қызмет көрсетілгенін анықтадық. Хиджама әдісін өз ұйымына лицензия алмаған медбике жүргізген. Сонымен қатар, оның тиісті қызметпен айналысуына рұқсат беретін сертификаты да болмаған. Тексеріс аясында аталған факті бойынша әкімшілік айыппұл салынды. Іс материалдары прокуратураға, полиция департаментіне жолданды". ҚР ДСМ Медициналық және фармацевтикалық бақылау комитеті төрағасының міндетін атқарушы Лаура Ахметнияз

Оның айтуынша, аталған тәсіл медициналық қызмет түріне жатпайды, бірақ бұл арада ол медициналық мекемеде медбикенің жасағаны ескеріле отырып, заңсыз медициналық қызмет айыбы бойынша айыппұл салынды. 

"Енді біз аумақтық департаментпен бірлесе отырып осы мәселені пысықтап, аталған тәсілге қатысты орталықтың қызметіне тыйым салу туралы сотқа талап-арыз түсіреміз. Бізде барлық медициналық қызмет түрі, соның ішінде ине салу, шөппен емдеу секілді дәстүрлі медицина да лицензиялауға жатады. Ал хиджама бұл тізімде жоқ, сондықтан оған тыйым салынған", - деді ол.

26 қаңтарда желіде баланың бетін тіліп, хиджама жасап жатқан видео тараған болатын.  

Оқи отырыңыз

Қазақстан оқушылары есту қабілеті нашар адамдарға көмектесетін қолданба әзірледі

11:56, 27 наурыз 2023

Елімізде коронавирус бойынша бір тәулікте 32 жағдай тіркелді

09:51, 27 наурыз 2023

Енді трамадол есірткі деп есептеледі және еркін сатылмайды

11:42, 25 наурыз 2023