Қарағандыда 16 жастағы кондуктор жолаушыны соққыға жықты
ҚазАқпарат
Зардап шеккен азамат түрлі дене жарақаттарын алып, қалалық медицина мекемелерінің біріне шағымданған.
Қарағандыда 16 жастағы автобус кондукторы жолаушыға қол көтерген. Таяқ жеген азамат Астана қаласының тұрғыны болып шықты, деп хабарлайды ҚазАқпарат тілшісі.
«16 тамыз күні Қарағанды қаласының аялдамаларының бірінде қалалық маршруттың қоғамдық көлігінде жұмыс жасайтын 16 жастағы жасөспірім Астананың 28 жастағы тұрғынын соққыға жықты. Қазір тергеу амалдары жүргізіліп жатыр. Оның нәтижесінде процесуалдық шешім қабылданады», - деді Қарағанды облысы ІІД баспасөз қызметінің өкілі Бақытжан Құдияров.
Полиция қызметкерлері күдіктіні оқиға орнында ұстады. Зардап шеккен азамат түрлі дене жарақаттарын алып, қалалық медицина мекемелерінің біріне шағымданған.
Ведомствода мәлім еткендей, 16 жастағы қоғамдық көлік кондукторы мен 28 жастағы жолаушының арасындағы жанжал дерегі бойынша ҚР ҚК-нің 293-бабы, 1-бөлігіне («Бұзақылық») сәйкес сотқа дейінгі тергеу амалдары басталып кетті.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
