Теміртауда тойға келгендердің жаппай улануына даяшы себепші болған
Baq.kz
Теміртауда үйлену той барысында 18 адам уланып қалған болатын.
Сальмонеллез таяқшаларын тасымалдаушы даяшы Теміртаудағы тойда 18 адамның улануына себепкер болған, деп хабарлайды Baq.kz.
"Сальмонеллезді таратушы даяшы екені анықталды және оның бұл кездегі жағдайы қанағаттанарлық болған. Сондықтан да таратушының ерекшелігі ол өзінің жағдайы туралы білмеген және осылайша адамдарға жұқтыра берген», - деді Қарағанды облысы қоғамдық денсаулықты қорғау департаментінің жетекшісі Юрий Залыгин.
Оның айтуынша, мейрамханадағы санитарлық кітапшасы жоқ үш адамның қатарында дәл осы даяшы болған.
«Бүгінде мейрамхана басшылығы медициналық тексерістен өткені туралы анықтамасы жоқ адамды не себепті жұмысқа алғаны анықталуда, тергеу органы тексеруде ", - деген Юрий Залыгин даяшының емделіп жатқанын жеткізді.
Естеріңізге сала кетейік, Теміртауда үйлену той барысында 18 адам уланып қалған. Аталған іс бойынша ҚР ҚК 304 бабы 1 бөлімі бойынша (санитариялық қағидаларды немесе гигиеналық нормативтерді бұзу) қылмыстық іс қозғалды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
