Ақтауда жұмыс істемей тұрған автошеберханадан шыққан өрттен ер адам зардап шекті

22 сәуір күні кешкі сағат 19:04 өртке қарсы қызметінің пультіне Ақтау қаласының 6А шағын ауданында өрт шыққаны жайлы хабар келіп түскен, деп хабарлайды Zakon.kz ҚР ІІМ ТЖК баспасөз қызметіне сілтеме жасап.

Өрт дөңгелек жөндеу шеберханасына арналып жабдықталған контейнерден шыққан. Аталған нысан біраз уақыттан бері жұмыс істемей тұрған көрінеді. Жалын 32 шаршы метр аумақты шарпып үлгерді. Қызыл жалын сағат 19:43 толықтай сөндірілген.

- Өрт нәтижесінде тұрғылықты мекен-жайы жоқ 1982 жылы туған азамат жапа шегіп, ауруханаға түсті. Алдын ала болжам бойынша өрттің шығуына шылым тарту кезінде оттықты ұқыпсыз пайдалану себеп болған, - деп хабарлап отыр ТЖК баспасөз қызметі.

Тілсіз жаумен күреске жеке құрамның 12 маманы мен 3 өрт сөндіру техникасы жұмылдырылды.

Оқи отырыңыз

Павлодарда автобус аялдамасы маңында бір бойжеткенді көлік қағып кетті

22:56, 26 шілде 2024

Қызылорда облысында сирек кездесетін жыртқыш аң - қара құлақты қаскөйлер атып тастаған

19:45, 26 шілде 2024

LEGO брендімен қауіпті контрафактілік ойыншықтардың сатылымына тосқауыл қойылды

16:21, 26 шілде 2024