Алматыда көлікпен көшедегі адамдарды әдейі қаққан кім?

zakon.kz

Оқиға салдарынан үш адам жарақат алды.

Алматы полициясы адамдарды көлікпен қасақана қағу оқиғасына байланысты түсініктеме берді, деп хабарлайды Zakon.kz.

Оқиға 26 тамызда таңғы сағат 5 шамасында Алматының Бостандық ауданындағы Гагарин көшесінде болған. Оның алдында сол маңайдағы кафелерден шыққан екі топ бір бірімен келіспей, сөзге келіп қалған.

- Кикілжің нәтижесінде екі тараптың бірі қарсыластарын көлікпен қағып, оқиға орнынан қашып кеткен. Олардың аты-жөндері анықталды, оларды қамауға алу шаралары жүргізілуде. ҚР Қылмыстық кодексінің үш бабы 293, 345 2-б және 347 баптар бойынша сотқа дейінгі тергеу басталды, - деді Алматы ПД ресми өкілі, полиция подполковнигі Салтанат Әзірбек.

Полиция атап өткендей, оқиға салдарынан үш адам жарақат алды, олар ауруханаға жеткізілген.

Оқи отырыңыз