Алматы облысында ауыл әкімі мен оның жүргізушісі қамауға алынды
lada.kz
Панфилов ауылдық округінің бұрынғы әкімі Аппазов қылмыстық істі тергеу барысында қамауға алынды, деп хабарлайды Zakon.kz.
Бұл туралы Алматы облыстық сотының баспасөз қызметі хабарлады.
- 30 тамызда Талғар аудандық соты жәбірленуші Галина Арзамасованың ісіне қатысты екі күдіктіні қамауда ұстау түріндегі бұлтартпау шарасы бойынша санкция жариялады, - дейді департаменттегілер.
26 тамызда қоғам белсендісі Галина Арзамасоваға шабуыл жасалды. Facebook қолданушысы Ирина Ким оған аудан әкімдігінің кіре берісінде біреулердің шабуылдағынын желіде жазды. Полиция қызметкерлері жедел-тергеу тобын құрып, бұл оқиғаға қатысты қылмыстық іс қозғады. 30 тамызда Панфилов ауылдық округі әкімінің және оның жүргізушісінің ұсталғаны туралы белгілі болды.
Бұл оқиғаға қатысты Алматы облыстық полиция департаменті ҚР Қылмыстық кодексінің 293-бабының 3-бөлігі бойынша тергеу жүргізіп жатыр. Сол күні Талғар ауданының әкімдігі Панфилов ауылдық округінің әкімі Нұрғали Аппазов қызметінен босатылғанын хабарлады.
