Қостанайда Lexus жүргізушісі зейнеткерді бетінен бір ұрып, мұрнын сындырды
aif.md/wp-content
Оқыс оқиға 23 қазанда Қостанайдағы №16 автотұрақ кооперативінде болды, деп хабарлайды Zakon.kz alau.kz-ке сілтеме жасап.
69 жастағы Анатолий Шевцов өзінің автотұрағы маңына тоқтаған, ол алдымен жеңіл көлігіне тіркелген тіркемені ағытып алмақ болады, сөйтіп үй ауласындағы жолды жауып қалады. Тура сол жолда Lexus көлігі келе жатады. Шевцов оған жолдан өтуіне көмектесіп, белгі беріп тұрған. Жол талғамайтын көлік тар жолмен өткен, бірақ қарияны балағаттап, доқ көрсеткен. Зейнеткер де қалыс қалмай, оған сол күйінде жауап берген. Сол-ақ екен, дәу көліктегі ер адам сыртқа атып шығып, қарияны беттен ұрған. Шевцов қарсыласпақ болғанда ол тағы бірнеше қарымта соққы берген.
Жәбірленуші оның мұрнын сындырып, тісін түсіргенін, ал соққыға жыққан соң өз көлігіне мініп кетіп қалғанын айтады. Зейнеткер полицияға шағым түсірді, бірақ полиция оның кім екенін әлі анықтаған жоқ.
