Алматыда тұрғын үйде газ жарылды: Үш адамның жағдайы ауыр

Алматыда көпқабатты үйде газ жарылып, 3 адам ауыр жарақат алды, деп хабарлайды ҚазАқпарат тілшісі.

"ҚазТрансГаз Аймақ" АҚ баспасөз қызметінің мәліметіне сәйкес, Первомайка ауылындағы Постышев, 64 "В" мекенжайында барак типтес 3 қабатты үйде жарылыс болды. Онда жалдамалы пәтерлерде 12 отбасы тұрып жатқан.

Оқиға орнына жеткен апаттық-диспетчерлік қызметтің хабарлауынша, жарылыс бірінші қабаттағы №3 пәтерде болған. Қатты дүмпу үйдегі есік-терезені, ішкі қабырғаларды қиратқан.

Мамандардың тексеруінен соң үйдегі газ қазандығы қирамағаны анықталды.

Ал қалалық Қоғамдық денсаулық сақтау басқармасының ақпаратынша, жедел жәрдем бригадасы №4 ауруханаға 3 пациентті жеткізді. Үшеуі да қазір жансақтау бөлімінде жатыр.

"36 жастағы ер адамның денесін 100 пайыз күйік (3-дәрежелі) шалған. Ол жасанды тыныс алу аппаратына қосылған. Науқастың жағдайы өте ауыр. 19 жастағы қыздың денесінің 85 пайызын күйік (3-дәрежелі) шалған. Жағдайы өте ауыр. 23 жастағы жігіттің беті, аяқ-қолдары күйген (1-дәрежелі). Денесінің 22 пайызы зақымданған. Бұл пациенттің де жағдайы өте ауыр", - деді басқарманың баспасөз қызметінен.

Оқи отырыңыз

Ақтөбеде курсант көз жұмды

01:58, 29 қараша 2023

Алаяқтар рудныйлық зейнеткерден екі миллион теңге талап еткен

00:51, 29 қараша 2023

Жол-көлік апаты салдарынан Алматыға кіре берісте үлкен кептеліс пайда болды

22:57, 28 қараша 2023