Жезқазғанда мектеп өртеніп, 640 адам эвакуацияланды
![Баспасөз қызметі, сурет - Zakon.kz жаңалық 19.11.2019 20:29](https://kaz.zakon.kz/pbi/WEBP/2023-12-20/file-20fb77c1-6e56-403a-b2ca-fc6ca65d956b/800x452.webp)
Құрбан болған және зардап шеккен адамдар жоқ.
Жезқазғанда мектептің электр сымынан от шығып, ғимараттан 640 адам эвакуацияланды, деп хабарлайды Zakon.kz ҚР ІІМ Төтенше жағдайлар комитетіне сілтеме жасап.
- 19 қарашада сағат 11: 39 шамасында өртке қарсы қызмет бөліміне Жезқазған қаласының №3 орта мектебінде өрт болғаны туралы хабарлама келіп түсті. Өрт сөндірушілер оқиға орнына келген кезде еңбек кабинеті отқа оранған: жонғыш станоктар, жиһаздар, ағаш еден мен терезе жақтауларын от шалған. Өрт 12: 03 уақытында ауыздықталып, ол 12: 10-да толықтай сөндірілді. Өрт аумағы 60 шаршы метрді құрады. Өрт сөндіру қызметі келгенге дейін 640 адам эвакуацияланды, оның 540-ы оқушылар, - делінген хабарламада.
Құрбан болған және зардап шеккен адамдар жоқ.
- Алдын-ала болжам бойынша, от электр сымның тұйықталуынан шыққан. Өрт сөндіруге Қарағанды облысы ТЖД-ның 4 өрт сөндіру техникасы және 15 адамы жұмылдырылды. Полиция қызметкерлері мектеп аумағын қоршауға алды, - деп хабарлады комитеттегілер.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript