Ыстамбұлда апатқа ұшыраған ұшақта Қазақстанның екі азаматы болған
24.kz
Олар Фатих Сұлтан Мехмет клиникасына жатқызылды.
Ыстамбұлда апатты жағдайда қонып, үшке бөлінген ұшақта екі қазақстандық болған, деп хабарлайды zakon.kz.
Қазақстанның Ыстамбұлдағы Бас консулдығының хабарлауынша, 2020 жылғы 5 ақпанда жергілікті уақыт бойынша 18:00-де Қазақстанның екі азаматы Ыстамбұл әуежайына апатты жағдайда қонған ұшақта зардап шеккен. Олар Фатих Сұлтан Мехмет клиникасына жатқызылды. Бас консулдық жағдайды бақылауға алып, отандастарымызға көмек көрсету үшін іс-шаралар қабылдауда, деп атап өтті ҚР СІМ-нің баспасөз қызметі.
Измирден ұшып келген ұшақ қону кезінде ұшу жолағынан ауытқып, үшке бөлініп қалды. Бортта барлығы 183 адам болған: 177 жолаушы, оның ішінде екі бала және экипаждың алты мүшесі.
Алдын ала ақпарат бойынша, қайғылы жағдайға ауа-райы себеп болған.
Әуежай жабылып, Түркияның Бас прокуратурасы тергеуді бастады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
