Алматы әуежайы маңындағы жер телімдері: Еңбекшіқазақ ауданы әкімінің орынбасары ұсталды

Арнайы баспасөз мәслихатында Сыбайлас жемқорлыққа қарсы іс-қимыл агенттігінің бірінші бөлімінің аға тергеушісі Данияр Биғайдаров Алматы облысы Еңбекшіқазақ ауданы әкімінің орынбасары қызмет бабын асыра пайдаланды деген күдікке ілінгенін айтты, деп хабарлайды zakon.kz.

Агенттіктің хабарлауынша, аудан әкімінің орынбасары Рысбеков ҚР Қылмыстық іс жүргізу кодексінің 128-бабы бойынша ұсталып, уақытша ұстау изоляторына қамалды.

Ол 2017 жылы Талғар аудандық сәулет және қала құрылысы бөлімінің бастығы лауазымын атқарған кезде 16 жер учаскесінің даму жоспарын заңсыз мақұлдаған деген күдікке ілінді. Атап айтқанда, бұл құжаттар Панфилов ауылдық округіндегі Алматы халықаралық әуежайы маңында орналасқан 1 гектар жер телімдерінің Жұмабаев және де басқа да тұлғалардың атына жекеменшікке шығару құқығын тіркеуге және заңсыз жекелеген құжаттарды дайындауға негіз болды, - деді Биғайдаров.

Ол Алматыдағы сыбайлас жемқорлыққа қарсы қызметі лауазымдық және қызметтік өкілеттіктерін асыра пайдалану фактілері бойынша сотқа дейінгі тергеу жүргізіп жатқандығын айтты. Бүгіндері бұл тергеу ісі қарқынды жүргізіліп жатыр.

Оқи отырыңыз

Тәжікстан мен Өзбекстанда жер сілкінісі болды

14:58, 23 қараша 2024

Астана тұрғындарына қала көгінде әскери ұшақтар пайда болатыны ескертілді

11:32, 23 қараша 2024

Іле Алатауының басына шығып алған жасөспірім одан түсе алмай қиналған

09:45, 23 қараша 2024