Алматыда 248 ойын автоматтарының көзі жойылды

Алматы қаласы бойынша Экономикалық тергеу департаменті қызметкерлері қалалық сот орындаушылармен бірлесе отырып қылмыстық істер бойынша тәркіленген ойын терминалдарын жойды, деп хабарлайды zakon.kz.

ҚР ҚМ ҚМК баспасөз қызметінің мәліметінше, іс-шара барысында сот үкімі шыққан 13 қылмыстық іс бойынша 248 ойын терминалы жойылды. Бұл ойын автоматтары Алматы қаласында жүргізілген жедел іс-шаралары барасында тәркіленген болатын.

"Ойын бизнесі туралы" заңға сәйкес, ойынханалар мен ойын автомат залдары арнайы белгіленген жерлерде ғана рұқсат етіліп, (Алматы облысының Қапшағай су қоймасы жағалауында және Ақмола облысы Шучье ауданында), ал Қазақстанның басқа өңірлерінде ойынханалар мен ойын автомат залдарына тыйым салынған", – делінген аталған ведомствоның баспасөз қызметі таратқан мәліметте.

ҚР ҚК 307-бабы, яғни "Заңсыз ойын бизнесiн ұйымдастыру" бойынша заңсыз ойын бизнесін ұйымдастыру деректері үшін және ойын бизнесін орналастыруға ғимаратты жалға бергені үшін қылмыстық жауапкершілік қарастырылған.

Оқи отырыңыз

Тәжікстан мен Өзбекстанда жер сілкінісі болды

14:58, 23 қараша 2024

Астана тұрғындарына қала көгінде әскери ұшақтар пайда болатыны ескертілді

11:32, 23 қараша 2024

Іле Алатауының басына шығып алған жасөспірім одан түсе алмай қиналған

09:45, 23 қараша 2024