Семейде жатақханадан өрт шығып, бірнеше адам эвакуацияланды
видеодан кадр
Қызыл жалынның шығу себебі – мас күйде темекі шегуден немесе отты абайсыз пайдаланудан болуы мүмкін.
Семейде жатақханадан өрт шықты, деп хабарлайды zakon.kz ҚазАқпаратқа сілтеме жасап.
Шығыс Қазақстан облыстық Төтенше жағдайлар департаменті баспасөз қызметінің мәліметіне сүйенсек, 12 тамыз күні кешке өрт сөндіру бөліміне бесқабатты жатақхананың үшінші қабатындағы балкон өртеніп жатқаны туралы хабарланды.
"Балкондағы түтінді көрген бірінші қабаттың тұрғыны бірден 101-ге қоңырау шалған. Өрт сөндірушілер лезде оқиға орнына аттанды. Жеке заттарды, жиһазды, терезе мен есікті шарпыған тілсіз жаудың жалпы аумағы 5 шаршы метрге жеткен", – делінген ведомство мәліметінде.
Өрт сөндірушілер үй иесінің ұлын сыртқа алып шықты. Сондай-ақ қауіпсіздік, мақсатында жатақханадан 75 адам эвакуацияланды, оның ішінде 25 бала бар. Қызыл жалынның шығу себебі – мас күйде темекі шегуден немесе отты абайсыз пайдаланудан болуы мүмкін.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
