Алматылықтарды "миллионға лақтырған" ірі алаяқ ұсталды

news.mail.ru

Бүгінгі күні келтірілген материалдық шығын көлемі шамамен 1 миллион долларды құрайды.

24 жастағы ер адам кепілге қойылған жылжымалы және жылжымайтын мүлікке арналған банк саудасына қатысуды сылтауратып, туыстары мен достарынан ірі көлемде ақша алып, алдап кеткен, деп хабарлайды zakon.kz Алматы ПД баспасөз қызметіне сілтеме жасап.

"Күдікті И.есімді азаматтың өзінің банктермен байланысы болмаған, бірақ кепілдікке қойылған мүлік аукционының жүйесін білген. Ол өзінің құрбандарын үйді немесе көлікті тиімді түрде нарықтық бағадан едәуір төмен бағамен сатып алуға болатындығына сендірді. Әрине, бұл үшін қаражат қажет болды. Кейбір әлеуетті клиенттер бірден бірнеше мүлік нысандарын алуға үмітті. Мысалы, жәбірленушілердің бірі оған 182 миллион теңгесін берсе, екінші адам 386 мың АҚШ долларын оның қолына сеніп тапсырған", - деді, Алматы қалалық ПД Криминалдық полиция Басқармасының бастығы, полиция полковнигі Еркін Іңкәров.

Бүгінгі күні келтірілген материалдық шығын көлемі шамамен 1 миллион долларды құрайды.

"Әрине, ол ешқандай міндеттемені орындауды көздеген жоқ. Ол ақшаны оңай жұмсады: өзіне 2 пәтер, жаңа көлік сатып алып, шетелге шығып үлгерген, жалпы алғанда, ол, өз жағдайын жасап алды. Бірақ ұзақ емес. Қазіргі уақытта күдікті ұсталып, Алматы қаласы ПД уақытша ұстау изоляторына қамалды. Ол ҚР ҚК-нің 190 бабы 4 бөлігі - ірі көлемдегі алаяқтық бойынша күдікті. Осы адамның қылмыстық іс-әрекеттерінен зардап шеккен азаматтар, бізге мына телефондар арқылы хабарласуыңызды сұраймыз: 8-701-666-69-54, 8-707-834-83-33 немесе 102", - деді полковник Іңкәров.

Оқи отырыңыз