Шымкентте 9-сынып оқушысы өз әкесінен жүкті болып, бала босанған

Баланы оқушының анасы өз қамқорлығына алған.

Шымкентте өз әкесінен жүкті болып қалған 15 жастағы оқушы қыз босанды, деп хабарлайды zakon.kz.

AstanaTV келтірген дерекке сәйкес, ер адам бұл оқиға жұртқа жария болғанда өз-өзіне қол салған. Іс сотқа түскен жоқ. Бұл туралы қалалық білім бөлімінің мамандары айтты.

Олардың айтуынша, босанған жас келіншектің анасы жаңа туған нәрестені қамқорлығына алған.

- 9-сынып оқушысы осы жылы мамыр айында босанды. Бұл арада зорлық болды ма, жоқ па, біз оны айта алмаймыз. Полиция оны анықтауға тырысып жатыр. Сәбиді қазір мектеп оқушысының анасы тәрбиелеп отыр, - деді Шымкент қалалық білім бөлімінің бас маманы Ұлжалғас Саурбаева.