Алматы соты тиктокшы бозбалаға айыппұл салды

видеодан алынды

Ол полиция қызметкерінің киімін заңсыз пайдаланған.

Алматылық блогер Нұрбек Нұртазаға ТикТокта полиция формасын киіп, видео жариялағаны үшін айыппұл салынды, деп хабарлайды zakon.kz.

Қараша айында Интернетте полиция формасын киген ер адам жанынан өтіп бара жатқан адамдарды TikTok-қа түсіп, бірге билеуге шақыратын видео пайда болды. Ол полиция қызметкері болмай шықты. Оған қатысты полиция формасын заңсыз кигені үшін әкімшілік іс қозғалды.

Сот отырысы қашықтықтан өткізілді. 20 желтоқсанда мамандандырылған ауданаралық әкімшілік сот отырыс өткізіп, онда Нұрбек Нұртаза кінәлі деп танылды. Одан арнайы формасы тәркіленіп, 13 890 теңге айыппұл салынды.

Сот Нұртазаның видеоны тек желідегілердің көңілін көтеру үшін түсіргенін ескерді. Сонымен қатар, ол жасаған ісіне өкінетінін айтты.

22 шілдеде Алматы әкімшілік соты әнші әрі актер Кенталға полиция формасын заңсыз кигені үшін айыппұл салған болатын.

Оқи отырыңыз