Өзбекстанда 16 жастағы қыз өзін алып қашқан көліктен секіріп қайтыс болды
![видеодан кадр, сурет - Zakon.kz жаңалық 25.12.2020 15:14](https://kaz.zakon.kz/pbi/WEBP/2023-12-20/file-31d00d46-5298-4e63-8f44-d2d6f6fede7a/800x452.webp)
Наманган облысы Нарын ауданында 16 жастағы қыз өзін алып қашқан көліктен секіремін деп қайтыс болған. Бұл жөнінде облыстық ішкі істер басқармасы хабарлады, деп жазады centralasian.org.
Қайғылы оқиға 20 желтоқсанда болған. 18 және 23 жастағы ер адамдар қызды көлікке отырғызып алып қашпақ болған. Бірақ бойжеткен көліктен секірген кезде, алған жарақатынан көз жұмған.
Марқұм келесі жылы университетке оқуға түсемін деп дайындалып жүрген екен.
Орталық Азия елдерінде қыз алып қашу кең жайылған.
Қырғызстанда алып қашқан қызды үйіне қайтару ұят деп саналады да, сол үйге қалдырып кетеді. Бірақ бұл үшін қылмыстық жаза қарастырылған. Құқық қорғаушылардың айтуынша, соңғы жылдары қыз алып қашу бойынша милицияға өтініш түсірушілер көбейген.