Сайлау учаскесіндегі заң бұзушылықты тіркеген видео: Ол Қазақстанда түсірілмеген

Ол 2 шілдеде Ресейде Конституцияға өзгертулер енгізу жөніндегі сайлаудан кейінгі күні жарияланған.

Facebook-те сайлау учаскесі бақылау камерасына түсіп қалған бейнежазба жарияланды. Онда бірнеше бюллетеньді бір мезетте дауыс беру жәшігіне салғаны көрсетілген. Жазба авторының айтуынша, бұл Қазақстанда орын алған жағдай. Алайда, шын мәнінде, бұл ескі видео және өткен жылдың шілде айында Мәскеуде түсірілген болып шықты, деп хабарлайды zakon.kz stopfake.kz сайтына сілтеме жасап.

Видеоның түпнұсқасын Twitter-ден көруге болады. Ол 2 шілдеде Ресейде Конституцияға өзгертулер енгізу жөніндегі сайлаудан кейінгі күні жарияланған.

На этом УИК 2783 в Раменках совсем что-то странное. Члены комиссии сидят под камерами с бюллетенями и ручками, а потом грузят эти бюллетени в урны. pic.twitter.com/mZcHEXmXb1

— Анастасия Брюханова (@bananstena) July 1, 2020

Кейіннен мәскеулік Раменка ауданындағы осы сайлау учаскесінде дауыстарды санау тоқтатылды, бұл туралы Мәскеу қалалық сайлау комиссиясы өзінің Telegram каналында хабарлады.