Алматыдағы L-Capital инвесткомпаниясы кеңсесінде тінту жүргізілді

Ведомствоаралық тергеу-жедел тобы құрылды.

Алматыдағы L-Capital инвестициялық компаниясы кеңсесінде полиция қызметкерлері тінту жүргізді, деп хабарлайды zakon.kz.

ҚР ІІМ баспасөз қызметі хабарлағандай, қазіргі уақытта Алматы қаласы ПД-ның Тергеу басқармасы салымшылардың ұжымдық өтініштері негізінде сотқа дейінгі тергеу жүргізіп жатқанын хабарлайды.

Ведомствоаралық тергеу-жедел тобы құрылды.

Компанияның кеңселерінде санкция бойынша тінту жұмыстары жүргізіліп жатыр. Нақтылық, объективтілік және жан-жақтылық принциптерін қатаң сақтай отырып жүргізілген тергеу әрекеттері кешені барысында мән-жайлар анықталып, процессуалдық шешім қабылданады.

“L-Капитал” компаниясы басшылығының әрекетінен зардап шеккен азаматтар Алматы қаласы ПД Тергеу басқармасына өтінішпен жүгінуі немесе мына телефондарға қоңырау шалуы қажет: 8-701-624-28-24; 8-702-626-7797.

L-Capital қарапайым және артықшылыққа ие акцияларды шығаратын эмитент болып табылады. Қызметтің негізгі түрлері - консультациялар, инвестициялар, сонымен қатар тікелей инвестицияларды тарту саласындағы делдалдық (компанияның веб-сайтынан алынған ақпарат).