Алматыда бензині таусылған Mitsubishi-ді артынан Mercedes соқты  

Екі жасар бала ауыр жарақат алды.

Алматының түндері тыныш өтпейді: Сайын мен Асқаров көшесінде жол апаты тіркелді, деп хабарлайды zakon.kz тілшісі.

Mitsubishi Galant пен Mercedes S-класс соғысқан.

Сайын көшесімен көтеріліп келе жатқанда Mitsubishi-дің бензині таусылып, моторы өшкен соң, жүргізуші жолдың ортасында тоқтаған.

Түн жамылып жолған шыққан Mercedes жүргізушісі алдында тоқтап тұрған көлікті байқамай, артынан оңдырмай соқты.

Mitsubishi Galant-тың артқы орындығында екі жасар баласымен отырған әйел мен Mercedes жүргізушісі жарақат алып, аурухана жеткізілді. Баланың жағдайы ауыр деп бағалануда.