Павлодарда жалған ПТР-тест қолданған тұрғын жазаланды
карудо
Павлодарда жалған ПТР-тестіні қолданғаны үшін 56 жастағы ер адам қылмыстық жауапкершілікке тартылды, деп хабарлайды zakon.kz.
Рavlodarnews.kz облыстық полиция департаменті баспасөз қызметіне сілтемей жасай отырып, ер адам жалған ПТР-тест анықтамасын Ресейге барып, келгеннен кейін көрсеткен.
Ер адам кезекті еңбек демалысында Ресей Федерациясына шығуды жоспарлаған. Қазақстан Республикасының аумағына оралған кезде емдеу мекемесіне карантинге жатпау үшін Covid-19 теріс нәтижесі бар медициналық құжатты көрсету қажет екенін біле тұра, Ресей Федерациясына шығып, екі күннен кейін павлодарлық Қазақстан Республикасының аумағына "Қосақ" бақылау өткізу пункті арқылы келген.
- Алайда ол короновирус инфекциясының таралуына қарсы күрес бойынша қабылданып жатқан шаралар аясында Успен ауруханасының карантиндік стационарына жіберілді. Ер адам ауруханаға жатпас үшін теріс нәтижемен COVID-19 бланкісін ұсынған. Аурухана қызметкерлері бұл құжатқа күмән келтіріп, оны берген медициналық мекемеге хабарласқан. Мекеме дәрігерлері ол ер адамның мекемеге жүгінбегенін және ешқандай зерттеу жүргізбегенін хабарлады, - деді Павлодар облыстық полиция департаменті бастығының бірінші орынбасары Жасқайрат Қайыров.
Жалған құжатты пайдалану фактісі бойынша Успен ауданының полициясында Қазақстан Республикасы ҚК 385-бабының 3-бөлімі бойынша сотқа дейінгі тергеу жүргізілді. Тергеу барысында құқық бұзушы жалған құжатты қолданғанын мойындады. Қылмыстық іс Успен аудандық сотының қарауына жіберілді. Ер адамға 15 АЕК – 44 мың теңге көлемінде айыппұл салынды.
Полицейлер әдейі жалған құжат қолдану үшін қылмыстық жауапкершілік көзделгені туралы ескертеді. Қазақстан Республикасы ҚК-нің 385-бабында осы іс-әрекет үшін 160 АЕК-ке дейінгі айыппұл салу, 160 сағатқа дейін түзеу немесе қоғамдық жұмыстарға тарту, 40 тәулікке дейін қамауға алу сияқты жаза қолдану қарастырылған.
