Топ болып оқушыны зорлау. Ақтөбеде мектеп әкімшілігіне қатысты қылмыстық іс қозғалды
MeteoWeek.com
Топ болып оқушыны зорлау фактісі орын алған мектеп әкімшілігіне қатысты қылмыстық іс қозғалды, деп хабарлайды zakon.kz.
Ақтөбе облыстық ПД мәліметінше, қылмыстық іс ҚР Қылмыстық кодексінің 141-бабы (Балалардың өмірі мен денсаулығының қауіпсіздігін қамтамасыз ету бойынша міндеттерді дұрыс орындамау) бойынша ашылды.
Білім беру мекемесінің қызметкерлеріне 5,8 миллион теңге айыппұл (2000 АЕК) немесе екі жылға дейін бас бостандығынан айыру жазасы тағайындалады.
Бұған дейін Ақтөбе облысы әкімдігінің Білім бөліміндегілер Балалардың құқықтарын қорғау комитеті жауапты тұлғаларды жауапқа тарту туралы хабарлама жібергендігін айтқан. Ақтөбе облысының Білім беру саласындағы сапаны қамтамасыз ету департаменті мектеп қызметкерлеріне қатысты қызметтік тергеуді бастады.
Ақтөбе облысы әкімдігінің Білім бөліміне балаға және оның отбасына психологиялық көмек көрсету тапсырылды.
