Ойыншық тапаншасы бар ақтөбелік қаржы ұйымын тонап кетті

pixabay.com

Ер азамат микрокредиттік ұйымның кеңсесіне кіріп, 22 жастағы қызметкерді тапаншаға ұқсас затпен қорқытып, 74 000 теңгені ашық түрде ұрлап кеткен.

Ақтөбелік тұрғын микрокредиттік ұйымның қызметкерін ойыншық тапаншамен қорқытып, тонап кетті, деп хабарлайды zakon.kz.

Ақтөбе облысының полиция департаментінің хабарлауынша, ер азамат микрокредиттік ұйымның кеңсесіне кіріп, 22 жастағы қызметкерді тапаншаға ұқсас затпен қорқытып, 74 000 теңгені ашық түрде ұрлап кеткен.

25 тамызда белгісіз біреу Ақтөбедегі қаржы ұйымының кеңсесіне кіріп, 22 жастағы қызметкерді тапаншаға ұқсас затпен қорқытып, ашық түрде ақша ұрлаған. Оқиға орнына полицияның жасақтары жіберіліп, жедел-іздестіру шаралары нәтижесінде полиция қызметкерлері 23 жасар күдіктіні қамауға алған. Ұсталған азамат өз қылмысын толығымен мойындады, делінген хабарламада.

Полиция мұндай оқиғалардың алдын алу үшін микроқаржылық ұйымдарға, дүкендерге және ақшаға қатысты басқа жерлерге бейнебақылау камераларын орнатуды және физикалық қауіпсіздікті қамтамасыз етуді ұсынады.

Оқи отырыңыз