Алматылық дәрігер вакциналауды тоқтату үшін Цоймен кездеседі - кезекті дақпырт
pixabay.com
Дәрігер COVID-19-ға қарсы вакцина алған ер адамдарды тексеріп, олардың бәрі ұрықсыз екенін анықтаған-мыс.
Әлеуметтік желіде Алматыдағы гомеопат дәрігердің ҚР Денсаулық сақтау министрі Алексей Цоймен кездесуі жоспарланғаны туралы ақпарат тарауда, деп хабарлайды zakon.kz.
Дәрігер COVID-19-ға қарсы вакцина алған ер адамдарды тексеріп, олардың бәрі ұрықсыз екенін анықтаған-мыс. Осыған байланысты алматылық дәрігер Ирина Прокушева Алексей Цоймен алдағы сенбі күні, 9 қазанда кездесуді жоспарлап отыр. Кездесу барысында олар вакциналауды тоқтату, Ashyk жүйесін және карантиндік шектеулерді алып тастау мәселелерін талқылайды, делінген дақпырт хабарламада.
Денсаулық сақтау министрлігінің баспасөз қызметі бұл ақпаратты жоққа шығарып, министр Алексей Цоймен арада мұндай кездесу жоспарланбағанын жеткізді.
ҚР Денсаулық сақтау министрінің дәрігер Ирина Прокушевамен кездесуі туралы ақпарат шындыққа жанаспайды. Қазіргі уақытта вакцинацияны тоқтату және Ashyk жүйесін алып тастау мәселелері қаралып жатқан жоқ, – деп хабарлады ведомстводан.
Stopfake.kz мамандар зерттеулері COVID-19-ға қарсы вакциналар мен ерлердің бедеулігі арасындағы байланысты жоққа шығаратынын хабарлайды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
