Нұр-Сұлтан әкімдігінің сайтына карантинді бұзғандардың тізімі шықты

Нұр-Сұлтан қаласында оқшаулау режимін бұзғаны үшін тағы 19 тұрғынға қатысты хаттама толтырылды, деп хабарлайды Zakon.kz.

Қала әкімдігінің ресми сайтындағы дерекке сүйенсек, 19 адамға 87 510 теңге (30 АЕК) айыппұл түріндегі әкімшілік жауапкершілік қарастырылған.

Нұр-Сұлтанда COVID-19 бойынша "қызыл" және "сары" статусы бар тұрғындар үй карантинін бұзуды тоқтатар емес.

Оқшаулау режимін бұзған тұрғындар, ең алдымен, айналасына инфекция көзі болып саналатынын есте ұстауы керек. Өзі жеңіл ауырғанмен өзгелердің өміріне зиян тигізуі мүмкін. Тіпті, соңы өлімге әкелуі мүмкін.

Оқшаулау режимін бұзу негізінен 14-күні тіркеліп жатады. COVID-19 үшін оң ПТР тесті бар барлық адам, сондай-ақ олармен байланыста болған адамдар үй карантинінде 14 күн болуы керек. Карантин оң ПТР тестін алған сәттен басталады және 14 күнге созылады. Азаматтарды қауіпті вирустың одан әрі таралуын болдырмау және өз денсаулығы мен айналасындағылардың қауіпсіздігін қамтамасыз ету үшін жауапкершілікпен қарауға және карантиннің барлық шараларын сақтауға шақырады, делінген қала әкімдігі баспасөз қызметінің хабарламасында.

Оқи отырыңыз

Атырауда жүк көлігі түгі қалмай өртеніп кетті

11:16, 27 шілде 2024

Павлодарда автобус аялдамасы маңында бір бойжеткенді көлік қағып кетті

22:56, 26 шілде 2024

Қызылорда облысында сирек кездесетін жыртқыш аң - қара құлақты қаскөйлер атып тастаған

19:45, 26 шілде 2024