Қолайсыз ауа райына байланысты өңірлерде жолдар жабылып жатыр

Жолдардың жабылуы, сурет - Zakon.kz жаңалық 26.12.2021 13:16 Сурет: Zakon.kz
Ауа райының қолайсыздығына байланысты Алматы және Батыс Қазақстан облыстарындағы жолдар жабылды, деп хабарлайды Zakon.kz

Бұл туралы ҚР Индустрия және инфрақұрылымдық даму министрлігінің баспасөз қызметі хабарлады.

Алматы облысында ауа райының қолайсыздығына байланысты (тұман, жолдың нашар көрінуі) 26 желтоқсанда сағат 11:30-дан бастап "Алматы – Өскемен" автожолының 76-161 шақырымында, Қапшағай қаласы мен Сарыөзек кенті арасындағы учаскеде автокөліктің барлық түрлері үшін қозғалысқа шектеу енгізілді.

Батыс Қазақстан облысында бұрқасын салдарынан және 25 желтоқсанда сағат 20:05-тен бастап "Орал – Тасқала – РФ шекарасы", Орал – РФ шекарасы учаскесі автожолының 4-104 шақырымындағы жол учаскесі жабылды.

Сондай-ақ, боран мен жолдың нашар көрінуіне байланысты 26 желтоқсанда сағат 12:10-дан бастап "Подстепное-Федоровка" тас жолының 3-144 шақырымындағы, Подстепное ауылы мен РФ шекарасы арасындағы учаскесінде де автокөліктің барлық түрлері үшін қозғалысқа шектеу енгізілді.

Мақаламен бөлісу
Мақаламен бөлісу:
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: